Drejtori i Përgjithshëm i Burgjeve Agim Ismaili ka kërkuar ditën e sotme, izolimin e anëtarëve të grupit të Avdylajve dhe italianit Giovani di Cosimo të cilët po vuajnë dënimet e tyre në burgun 313 në Tiranë.
Kjo ka ndodhur pas një sherri të ndodhur në ambientet e paraburgimit me punonjësit e policisë, ku i kanë kërcënuar këta të fundit.
Shkresa për izolimin e Hajri Seferit, Astrit Avdylin, Altin Avdylin, Saimir Gjepalin dhe Giovani di Cosimo mban datën 23 Maj dhe i është dërguar Gjykatës së Rrethit Gjyqësor Tiranë e cila do të shqyrtojë nëse vendimi është i drejtë.
Seanca gjyqësore për shqyrtimin e saj do të zhvillohet në orën 14:00 të ditës së sotme.
Rikujtojmë se gjatë kohës së pandemisë, Niçja i Shijakut, Altin Avdyli kërkoi në Apel, ndryshimin e masës së sigurisë me pretekstin se kishte probleme me tensionin.
