Ditën e sotme në aktivitetin që zhvilloi ish-kryeministri Sali Berisha në Tiranë, Enida Kaziu, një juriste dhe aktiviste ka ngritur tonetpara mbajtjes të protestës së 7 korrikut. Edhe pse mbaroi koha që u ishte dhënë për të folur, Kaziu nuk e lëshoi mikrofonin dhe tha se e bën fajtor Berishën e Partinë Demokratike për situatën në të cilën ndodhet Shqipëria, që ka të pastrehë në rrugë e persona që nuk mbulojnë dot nevojat jetësore. Ajo tha se nuk përfaqëson asnjë parti e që më shtatë korrik do të dalë në shesh. Me avokatin Altin Goxhaj debatoi për kohën e vënë në dispozicion për të folur.
Pjesë nga biseda
Enida Kaziu: Përshëndetje jam Enida Kaziu, jam juriste me profesion, pa parti politike. Unë mbajta goxha shënime, por më mirë po flas pa bllok. Është hera e parë që jam në një konferencë të tillë, kam qenë pjesë e protestave kur e kam ndjerë, kam pasur ftesa për të qenë pjesë e tyre në Kosovë e Maqedoninë e Veriut, por nuk kam pranuar. Mesa kuptova, gjysma nga ju janë në gjendje të mirë ekonomike, por ndjesë i nderuar doktor Berisha. Unë jam e bindur që ju jeni bashkëfajtor për faktin që Shqipëria ndodhet në këtë situatë. Duhet të ngriheshin struktura që po hanë nga koshat e plehrave….
Altin Goxhaj: Koha….
Enida Kaziu: Të lutem Altin, nuk jam këtu për të fyer njeri
Altin Goxhaj: Por koha
Enida Kaziu: Unë jam këtu si shoqëri civile, do të ishte shumë mirë të kishim një kritikë nga Opozita, dhe pse unë jam mosha e bijës tuaj. Unë do vij në datën7, por nuk dihet, protesta mund tëfunksionojë ose jo.
Altin Goxhaj: Koha është….
Enida Kaziu: Të lutem, jam pa parti unë vëlla, kam ardhur si qytetare e lirë, të gjithë folën për protesta. Nuk kam ardhur këtu për sherr
Altin Goxhaj: Ke të drejtën tëndë
Enida Kaziu: Të lutem Altin mos më bëj zhurmuesin, ma ka bërë njëherë. Edhe djalli e ka zili qeverinë që është sot, me shumë respekt për të gjithë të pranishmit këtu, nëse e duam Shqipërinë të japim nga xhepat tanë për të ndërtuar struktura për njerëzit që rrezikojnë jetën, jo vetëm fasada.
Altin Goxhaj: S’kemi asnjë problem me mendimin tëndë e dashur, dikush ka ardhur nga Elbasani, dikush nga Amerika, dikush nga Elbasani, e kam tek minutazhi.
