Një konflikt për një vend parkimi ka përfunduar me të shtëna armësh në Kamëz, ku një 25-vjeçar ka mbetur i plagosur.
Sipas informacioneve paraprake, dy persona janë përfshirë fillimisht në një debat, i cili më pas ka degjeneruar në dhunë. Në kulmin e konfliktit, njëri prej tyre ka nxjerrë armën dhe ka qëlluar në këmbë shtetasin Mikel Xhetani.
Aktualisht, nuk ka detaje mbi gjendjen shëndetësore të të plagosurit, i cili ndodhet në spital nën kujdesin e mjekëve.
Policia ka mbërritur menjëherë në vendngjarje dhe po kreh zonën për të identifikuar dhe arrestuar autorin.
Grupi hetimor po vijon punën për zbardhjen e plotë të rrethanave të ngjarjes.
