Një incident mes nxënësve është regjistruar në shkollën e mesme të Cakranit, në Fier., ku dy nxënës janë përfshirë në një sherr të dhunshëm.
Sipas informacioneve të para nga policia, ngjarja ka ndodhur rreth orës 08:30 në ambientet e Shkollës së Mesme të Cakranit, ku një nga nxënësit, 17-vjeçari B. D., ka goditur me thikë bashkëmoshatarin e tij, Y. Xh, në krah.
Pas incidentit, i plagosuri është transportuar menjëherë në spitalin rajonal të Fierit për të marrë ndihmën e nevojshme mjekësore.
Ndërkohë, autori është arrestuar dhe është shoqëruar në komisariat për t’u marrë në pyetje nga policia.
Policia ka nisur hetimet për të zbardhur shkaqet e këtij konflikti dhe për të marrë masa ndaj autorëve të mundshëm të dhunës.
