Një ngjarje e rëndë ka ndodhur mbrëmjen e sotme në një lokal në lagjen “Qamil Guranjaku” në Elbasan.
Mësohet se para pak minutash disa persona të pa identifikuar kanë hyrë në një lokal dhe kanë nisur të sulmojnë me sende të forta dhe thikë pronarin e lokalit. Ende nuk dihen shkaqet ngjarjes, por të plagosur kanë mbetur tre familjarë, pronarë të lokalit dhe dy klientë.
Të plagosurit ndodhen në spitalin e Elbasanit, edhe pse me plagë të rënda, jashtë rrezikut për jetën.
Policia dhe grupi hetimor kanë shkuar në vendin e ngjarjes dhe po punojnë për zbardhjen e plotë të rrethanave të ngjarjes.
