Bëmat e qeverisë rilindase nuk kanë fund, teksa në një kohë që shqiptarët po vuajnë për bukë për shkak të çmimeve rekord të ushqimeve bazike, kryeministri jonë del dhe u jep leksion biznesmenëve shqiptarë të ushqimeve që as më pak e as më shumë janë shokët e tij në zhvatjen e xhepave tanë.
Në një takim sot me këta biznesmenë ku ngriti një bord për kontrollin e çmimeve të ushqimeve, ‘shenjtori’ Rama ka nisur të përmend Zotin dhe u ka bërë thirrje biznesmenëve të lajnë mëkatet. Meme e gatshme kjo këshillë e thënë nga kryeministri i cili për një javë rriti çmimin e naftës, ujit, miellit, orizit, sheqerit, makaronave pra produkteve të konsumit dhe bëri që shqiptarët ta pësojnë në të katër anët.
E pra të nderuar miq të Reformës, Rama u mundua t’i kthejë me këmbë në tokë biznesmenët për të cilët tha se nuk mund të abuzojnë me çmimet në kurriz të popullit, teksa u kujtoi Ferrin dhe Parajsën, por harroi që dhe ai vetë po abuzon me popullin shqiptar.
Edi Rama:
Imagjino të nxirrni fitime edhe kur të shkoni në Shën Pjetri t’iu thotë ore ca bëtë kur ishit në atë jetë? Dhe ju ti thoni kam bërë këtë, dhe Zoti do tu thotë si ka mundësi që kur ishte ajo lufta në Ukrainë keni fituar kaq shumë? Kjo nuk duhet të ndodhë pasi iu takon rrethi i fundit i ferrit. Po iu them që këtu është i ndarë Zoti në botën tjetër është një , vetëm emrin e kanë ndryshe Ferri dhe Parajsa. Përtej kësaj shakaje, unë jam kundër ndërhyrjeve të çfarë dalloj të shtetit në punët e tregut por është e domosdoshme në kushte lufte, kurse në paqe është skandal Mbi vuajtjen e njerëzve askush nuk duhet të fitojë.
