Kreu i Partisë Demokratike, Lulzim Basha ka reaguar për situatën e rënduar shëndetësore në vendin tone. Në një postim në rrjetet e tij sociale Basha shkruan se sistemi shëndetësor është në kolaps dhe se Rama ka dështuar që të ofrojë shëndestsi falas. Në vend të kësaj, thotë ai, Rama ia ka thënë paratë e shqiptarëve miqve të tij. Më tej Basha ka thënë se kryeministri nuk mund të zgjidhë asgjë pas 8 vitesh dështime dhe se në zgjedhjet e 25 prillit do të humbasë.
Kujtojmë që situata e pandemisë në vendin tonë është mjaft e randë pasi në 24-orët e fundit është arritur një rekord prej 1239 rastesh dhe janë regjistruar 16 viktima.
Postimi i Bashës:
Rama pati 8 vite për të përmbushur premtimin për shëndetësi falas. Ku është shëndetësia falas? Rama ka rritur taksat – ku shkuan paratë e taksave të shqiptarëve? Rama ua dha paratë tona miqve të tij.
Sot, Shqipëria ka një sistem shëndetësor në kolaps total: me numrin më të ulët të testimeve, me numrin më të ulët të mjekëve për banor, me mjekë dhe infermierë të paguar keq.
Tani, pas 8 vitesh dështime, Rama po flet për atë që do të bëjë. Pas 8 vitesh dështime, Rama nuk mund të zgjidhë asgjë. Ne mundemi. Më 25 prill ne do të sjellim ndryshimin – Rama do të humbasë dhe Shqipëria do të fitojë.
