Opozita është duke u drejtuar me tone të ashpra tanimë vetëm 2 ditë para protestës së madhe të paralajmëruar. Të njëjtën gjë ka bërë edhe deputeti, Agron Shehaj në emisionin “Të Pa Ekspozuarit”, i cili ka thënë se për gjithë çfarë ka bërë, Rama duhet të ishte nën hetim sot, pavarësisht se gjendja është krejt tjetër.
Megjithatë Shehaj ka bërë të qartë qëllimin e opozitës dhe sipas tij është vetëm organizimi i zgjedhjeve të lira dhe të ndershme, asgjë më tepër. Sipas tij të bëhet ajo që nuk është bërë deri më sot dhe secili të marrë atë që i takon pa pasur nevojën të vjedhë ose të blejë votën.
“Për çfarë synon opozita. Opozita kërkon një gjë shumë të thjeshtë, zgjedhje të lira. Kërkon kushte demokratike. Po e shikojmë se si pasurohet Rama dhe disa oligarkë. Si t’ja bëjmë? Se në fund të fundit ai thotë se unë jam zgjedhur dhe ata do të synojnë karrigen time. Unë mendoj se nëse ka dhunë demokracia ka dështuar. Ka dështuar se nuk ka asnjë ndikim.
Unë dyshoj se edhe kur Rama të mos jetë kryeministër them se prapë nuk do të kemi zgjedhje të lira. Unë mendoj që është e domosdoshme, që Edi Rama duhet të jetë nën hetim për atë që ka bërë. Minimalisht duhet të ishte nën hetim, por kjo më duket absurde dhe e pamundur.
Lufta e opozitës ka shumë beteja dhe është shumë e gjatë. Berisha po kërkon vëmendje për një problem shumë të madh, që sa më vonë të ngrihemi aq më të vështirë do ta kemi. Ky po forcohet dita ditës, sepse i ka kapur të gjitha”, tha Agron Shehaj.
