Ngjarja e rëndë në burgun e Peqinit ka ndodhur më 15 dhjetor 2023, kur Sokol Mjacaj, i dënuar me burgim të përjetshëm për vrasje, ka qëlluar me armë zjarri Arben Lleshin dhe Indrit Shaqen, të cilët ndodheshin në një qeli tjetër. Lleshi, i cili ishte gjithashtu i dënuar me burgim të përjetshëm për vrasjen dhe djegien e trupit të një bashkëatdhetari në Angli, ka humbur jetën në vend, ndërsa Shaqja ka mbetur i plagosur. Mjacaj ka deklaruar se e ka vrarë Lleshin për arsye hakmarrjeje, pasi ky i fundit nuk e kishte pranuar në sektorin e tij. Dyshohet se Mjacaj ka pasur bashkëpunëtorë dhe se armën e kishte siguruar më shumë se një muaj e gjysmë më parë. Nuk dihet ende se si është futur arma brenda burgut të sigurisë së lartë. Pas ngjarjes, Mjacaj ka kërcënuar të vriste edhe të tjerë, por është dorëzuar pas negociatave me autoritetet. Lidhur me këtë ngjarje, janë arrestuar 13 punonjës të burgut, përfshirë drejtorin e tij, për shkelje të detyrës. Shefi i Policisë në burgun e Peqinit, Qani Muça, i cili ishte emëruar në këtë detyrë një ditë më parë pa pranuar, ka dëshmuar përballjen e tij me Mjacajn, pas vrasjes së Lleshit. Ai ka thënë se Mjacaj ndodhej prapa një dere dhe i kishte bërë thirrje të mos u afrohej, pasi nuk kishte gjë me të. Muça ka theksuar se nuk kishte marrë në dorëzim detyrën e Shefit të Policisë dhe se nuk e kishte firmosur procesverbalin për marrjen dhe dorëzimin e detyrës funksionale.
Dritan Agolli, njeriu që shndërroi FSHZH në bankomatin e klientelës: nga tenderi 6 milionë dollarësh i satelitëve te mashtrimi i ri 2.6 milionë euro me avionë
Qeveria po përsërit të njëjtin mashtrim që ka bërë për vite me radhë: teknologji me bujë, premtime me fjalor futurist,...
