Pavarësisht thirrjeve të SHBA, Komisioni Shtetëror i Zgjedhjeve ka regjistruar në zgjedhjet parlamentare të 25 prillit Partinë Social Demokrate të Tom Doshit.
Vendimi u mor mbledhjen e kësaj të mërkure, dukr i hapur zyrtarisht rrugë deputetit Tom Doshi.
Kujtojmë se Tom Doshi ishte një ndër emrat më të përfolur nga ambasadorja amerikane në Shqipëri, Yuri Kim.
Disa herë ajo ka bërë thirrje për lënien jashtë listave të emrit të kaq përfolur, pasi sipas Yuri Kim ai është një person i lidhur me krimin.
Gjithashtu, Departamenti Amerikan i Shtetit e vendosi në “listën e zezë” Doshin, duke i ndaluar hyrjen në SHBA.
Por pavarësisht këtyre thirrjeve, Tom Doshi në disa deklarata të mëparshme shprehu bindjen se do të ishte pjesë e zgjedhjeve.
Lidhur me kërkesat e SHBA dhe moskandidimit të tij, KQZ tha se do ti përgjigjej në bazë të legjislacionit shqiptar.
Gjithashtu, kryeministri Edi Rama i pyetur më herët nga gazetarët për rastin e Tom Doshit, nuk ka dhënë asnjë përgjigje.
Sa i përket mbledhjes së sotme të KQZ, u diskutua mbi listat shumë emërore të kandidatëve për deputet nga forcat politike.
Lista e Nismës Thurje dhe ajo e Lëvizjes së Re u miratuan pas korrigjimit, lista e koalicionit opozitar sërish kishte probleme.
Gjithashtu u vendos miratimi i listës së koalicionit opozitar por pa 78 kandidatët tepër.
