Kryeministri Edi Rama ka refuzuar të jap një përgjigje konkrete lidhur me kandidimin e Tom Doshit, pas futjes në listën e zezë nga SHBA.
Dje ambasadorja e SHBA në Shqipëri, Yuri Kim, solli në kujtesë vendimin e DASH për ish-deputetin Doshi. Kim i rikujtoi Ramës mos përfshirjen e këtyre personave me të shkuar kriminale në listën e zgjedhjeve.
Në konferencën e sotme, i pyetur nga gazetarët Rama sërish vijoi me tone të ashpra ndaj ambasadores Kim, duke mos dhënë një përgjigje konkrete.
Sipas tij nuk ishte e nevojshme rikujtesa nga ana e ambasadores, duke rithënë po të njëjtën frazëse “ ai e di mirë detyrën që i takon”.
“Sa herë të më pyesni për ambasadoren, nuk do jap asnjë përgjigje, sepse keni spekuluar dhe abuzuar në mënyrën më skandaloze, duke krijuar një ngjarje që nuk ekziston. Faktikisht përgjigjja ime lidhur me pyetjen ishte shumë e thjeshtë dhe shumë e qartë, nuk ka nevojë të më vinin përpara ambasadoren amerikane për të më kujtuar mua detyrën që kam përpara ligjit. Këtë e di vetë, nuk ka nevojë të më përdorni ambasadoren si karrem. Nuk jap më asnjë përgjigje, sa herë të më pyesni për ambasadoren amerikane, sepse krijoni telenovela të kota në publik dhe e dezinformoni”, tha Rama.
Kujtojmë se Tom Doshi u shpall “non grada” për shtetin amerikan bashkë me familjen e e tij. Akuzat që rëndojnë mbi ish-deputetin janë lidhjet kriminale dhe fshehja e një pasurie marramendëse që kap vlerën e 14 milionë eurove.
