Policia e Tiranës nëpërmjet një deklarate njoftoi se ka arrestuar një 27-vjeçar pasi shantazhonte një të mitur me foto dhe video intime. Në pranga të policisë ka rënë, Bernard Çullhaj, i cili përdorte materiale intime të të miturës si shantazh për të kryer marrëdhënie seksuale me të.
15-vjeçarja nuk ishte e vetmja që 27-vjeçari shantazhonte, pasi edhe disa vajza të tjera të mitura kanë rënë pre e shtantazhit të tij.
“Finalizimi i operacionit policor të koduar “Intimiduesi”, gjatë të cilit është parandaluar në kohë rekord një ngjarje e mundshme kriminale që mund të sillte pasoja të rënda ndaj një shtetaseje të mitur të moshës 15 vjeç. Gjatë hetimeve të kryera në kuadër të këtij operacioni janë zbuluar dhe dokumentuar ligjërisht dhe 2 ngjarje të vjetra dhe është arrestuar shtetasi Bernard Çullhai, 27 vjeç, i cili shantazhonte në rrjete sociale shtetase të mitura, duke i kërkuar foto dhe video intime dhe për të kryermarrëdhënie seksuale me to”, njofton policia.
