Deputeti i Partisë Socialiste, Erion Braçe, ka konfirmuar publikisht ambicien e tij për të kandiduar për kryetar të Bashkisë së Tiranës, pasi më herët e kishte shprehur këtë synim edhe në mbledhjen e grupit parlamentar të PS-së.
Përmes një reagimi në rrjetet sociale, Braçe thekson se kandidimi i tij nuk është një veprim simbolik apo shaka, por një vendim i menduar seriozisht, për të cilin ai shprehet i vendosur ta çojë deri në fund.
Në mesazhin e tij, ai falënderon qytetarët për mbështetjen dhe vlerësimin, ndërsa kërkon ndjesë për pamundësinë për t’iu përgjigjur të gjitha mesazheve që ka marrë në platforma të ndryshme komunikimi.
Braçe sqaron se pyetja më e shpeshtë që ka marrë nga qytetarët lidhet me seriozitetin e kësaj nisme, duke theksuar se nuk ka ndodhur dhe nuk do të ndodhë kurrë që ai të tallet me njerëzit.
Ai nënvizon se kandidimi nuk lidhet me ambicie personale apo interesa individuale, por me bindjen se ekziston një mundësi reale për ta zhvilluar Tiranën në një dimension të ri, më gjithëpërfshirës dhe në shërbim të qytetarëve.
REAGIMI I PLOTË I BRAÇES:
“JOOO, NUK PO TALLEM!
E KAM SERIOZISHT E DO I SHKOJ DERI NE FUND
BASHKE ME JU!
Se pari e mbi te gjitha shume shume faleminderit per mesazhet, mbeshtetjen permes tyre, vleresimin po permes tyre, inkurajimin po permes tyre;
Ju jam shume shume mirenjohes!
E dyta, dua ti kerkoj ndjese secilit nder ju qe me keni shkruar e nuk i kam kthyer nje “FALEMINDERIT” pas; vecanerisht atyre qe me kane shkruar ne Messenger te Facebook, ne DM e Instagram; besoj qe atyre ne Whatsapp u jam pergjigjur te gjitheve.
Nderkohe, mes mesazheve pyetja me e perseritur eshte:
E KE SERIOZISHT APO PO TALLESH ME NJEREZIT?
Atehere dy gjera:
Nuk ka ndodhur kurre qe une te tallem me njerezit dhe nuk do te ndodhe ndonjehere me mua kjo.
POOO E KAM SERIOZISHT E DO TI SHKOJ DERI NE FUND BASHKE ME JU!
NUK ESHTE AMBICIE PERSONALE, NUK ESHTE INTERESI IM PERSONAL-jam teresisht i cliruar nga keto;
POR MENDOJ SE KEMI NJE MUNDESI SHUME TE MADHE PER TA ZHVILLUAR KETE QYTET NE NJE DIMENSION TE RI, PERFSHIRES E KU GJITHSECILI GJEN JO VETEN E TIJ, JO JETEN E TIJ POR TE MIREN E TIJ!”
