Sëmundjet neurologjike: Mjeku Çakçiri tregon kur duhet kërkuar mjekim urgjent
Në emisionin “Koha për t’u zgjuar” në News 24, mjeku neurolog Genci Çakçiri deklaroi se sëmundjet neurologjike janë të shumta dhe shpesh nisin me simptoma të lehta, si mpirja e njërës dore apo këmbë. Sipas tij, edhe këto raste kërkojnë vëmendje të specialistit për të shmangur përkeqësimin.
Çakçiri theksoi se mpirja e këmbëve, e cila më pas përhapet edhe në pjesë të tjera të trupit, është një sinjal alarmi dhe kërkon mjekim urgjent. Ai sugjeroi që simptomat e tilla të trajtohen sa më shpejt për të parandaluar komplikacionet.
“Kur kemi mpirje të njërës dorë, mund të bëhet fjalë për shtypje të nervit në nivelin e bërrylit apo të këmbëve. Por nëse mpirja përhapet edhe në pjesë të tjera të trupit, kjo duhet trajtuar menjëherë,” tha mjeku neurolog Genci Çakçiri.
Ai shtoi se shumë sëmundje neurologjike mund të parandalohen përmes një stili jetese të shëndetshëm, duke përfshirë dietën dhe aktivitetin fizik.
