Detaje të reja janë zbardhur rreth Aleksandër Gavocit, biznesmenit të cilit iu sekuestruan 400 mijë dollarë ditën e sotme nga Policia e Tiranës.
Gavoci njihet si pronari i truallit mbi të cilin kanë qenë të ndërtuara disa banesa përballë shkollës “Petro Nini” në Tiranë, ku një vit më parë ai është përplasur me banorët që banonin në këto banesa dhe u desh ndërhyrja e Policisë për të zgjidhur konfliktin, raporton Dosja.al.
Gavoci prentendonte dhe publikoi dhe disa dokumenta që trualli i përkiste atij, ndërsa banorët që kishin më shumë se 20 vite që jetonin aty, shpreheshin se ata e kishin blerë banesën dhe ishin në proces legalizimi.
Në fund është arritur një marrëveshje dhe Gacovi u ka dhënë familjeve aty nga 150 mijë euro dhe tashmë në atë vend po ngrihet një pallat, pasi dhe i gjithë sherri për këtë gjë u bë sepse kërkohej trualli për ndërtim.
Sakaq, vëllai i tij, Ilir Gavoçi, ka qenë në kërkim për shkak të një vrasje të katërfishtë kryer 15 vite më parë.
Ilir Gavoçi, së bashku me truprojën e tij Ismet Oruçi, vranë në lokalin ‘Olalba’ në afërsi të gardës, 4 persona, Ali Beqjen 29 vjeç, ish-oficerin në ministrinë e Brendshme Altin Djegpaxhian, 34 vjeç, Alban Krujën 35 vjeç dhe Elvis Berberin 25 vjeç, që të kartër nga Shkodra.
Në vitin 2007 Gavoci u dënua me 5 vite por nuk u arrestua asnjëherë. Në 2012-ën, Prokuroria kërkoi shuarjen e vendimit për shkak se nuk u arrestua gjatë këtyre 5 viteve dhe ai u shpall i lirë.
