Dështon për të disatën herë seanca në Apelin e Posaçëm për inceneratorin e Fierit. Shkak këtë të premte u bë mungesa e dy avokatëve të ish ministrit të mjedisit Lefter Koka. Njëri prej tyre Denis Karaj u gjobit me 5 mijë lekë të reja, ndërsa Mërtiri paraqiti shkresë në sekretarinë e gjykatës, ku njoftoi se kishte një problem shëndetësor. Ndërsa Karaj njoftoi gjykatën që ishte jashtë vendit, gjë e cila nuk u mor parasysh nga gjykata që vendosi ta gjobiste atë. Seanca e radhës në ngarkim të personave dënuar u la në datë 18 tetor ora 11.00.
Lefter Koka për dosjen e Inceneratorit të Fierit u dënua me gjykim të shkurtuar për 6 vite e 8 muaj për 3 akuza.
