Këto pamje televizive tregojnë liderët duke ecur nëpër rrugët e bombarduara të qytetit Borodyanka, rreth 48 kilometra në veri-perëndim të Kievit, të shoqëruar nga zyrtarë ushtarakë dhe qeveritarë ukrainas.
Pasi Sanchez dëshmoi tmerret dhe mizoritë e luftës së Putinit ai deklaroi se Spanja “nuk do ta lërë vetëm popullin ukrainas”.
Gjatë konferencës së përbashkët për shtyp së bashku me presidentin Volodymyr Zelensky, kryeministri spanjoll njoftoi një tjetër ndihmë ushtarake për Ukrainën që sipas tij është më e madhja e dërguar deri më tani nga Spanja dhe është dyfishi i sasisë së dërguar më parë.
“Sa i përket ndihmës ushtarake dua të njoftoj se një dërgesë e re me pajisje ushtarake është rrugës për në Ukrainë, saktësisht anija e marinës spanjolle ’Izabel’ e cila lundroi sot nga portet spanjolle për në Poloni me 200 ton pajisje ushtarake modern”.
Sanchez foli gjithashtu edhe për aspiratat e popullit ukrainas për t’u anëtarësuar në BE ku nënvizoi se Spanja e mbështet plotësisht Ukrainën në këtë vendimmarje.
Ju i keni bërë mjaft të qarta, presidenti Zelensky, thirrjet tuaja për të zgjedhur fatin tuaj. Ju keni mbështetjen tonë në këto aspirata legjitime. Është e qartë se ju i përkisni familjes europiane”.
Sanchez nënvizoi gjithashtu se vendi i tij do t’i kërkojë Gjykatës Penale Ndërkombëtare të hetojë krimet e luftës në Ukrainë.
