6 dhjetori mirëpret në Tiranë për herë të parë një samit të nivele të larta ku do të marrin pjesë liderët e BE, si he vendet e Ballkanit Perëndimor. Krerët e 27 vendeve anëtare, drejtuesit e BE, por edhe liderë të vendeve të Ballkanit Perëndimor, priten të mbërrijnë në Tiranë që në datën 5 dhjetor. Të vetmit që ende nuk e kanë konfirmuar pjesëmarrjen në samit janë liderët e Serbisë.
Ardhja e Vuçiç apo Bërnabiç në këtë samit nuk konfirmohet deri më tani as nga Beogradi zyrtar, por as nga organizatorët e samitit.
Ndërkohë, vendet e tjera të Bashkimit Europian dhe të Ballkanit Perëndimor do të jenë të përfaqësuara në këtë samit me krerët e shteteve, ose kryeministrat.
Përveç mesazheve dhe deklaratave që do të jepen nga liderët europianë, ky samit do të këtë rëndësi edhe për marrëveshjet që pritet të firmosen.
Njëra nga marrëveshjet që pritet të nënshkruhet do të jetë edhe heqja e tarifave të roaming mes vendeve të Bashkimit Europian dhe atyre të Ballkanit Perëndimor. Më herët një marrëveshje e ngjashme për të hequr tarifat e roaming është firmosur mes 6 vendeve të Ballkanit Perëndimor.
Samiti BE-Ballkani Perëndimor në Tiranë vjen pak muaj pasi Shqipëria dhe Maqedonia e Veriut nisën procesin e negociatave për anëtarësim në Unionin Europian.
