Vazhdon debati për vendimin e opozitës për djegien e mandateve. I ftuar mbrëmjen e sotme në “Dritare me Rudinën”, deputeti i PD-së, Ervin Salianji ka thënë se deputetët të enjten në protestë do të jenë pa mandate.
Mirëpo nuk ka munguar edhe kundërpërgjigjja e shpejtë nga deputeti i PS-së i ftuar në panel, Alket Hyseni, i cili tha se një gjë e tillë nuk ka për të ndodhur.
Sipas Hysenit, do të jenë ndërkombëtarët që do ta bëjnë opozitën të ndryshojë mendjen.
Pjesë nga debate
Ervin Salianji: Thërrasim ne popullin në protestë dhe ne jemi qytetarë të këtij populli. Të enjten kemi për të lënë edhe mandatin do jemi pa imunitet. Do jetë si protesta e kaluar
Alket Hyseni: Nuk e uroj as nuk e besoj që këta i dorëzojnë mandatet. Këta mendoj që duke dalë shoku Enver me filozofi piromane mendojnë se hiqet mandati. Mandati nuk hiqet në mënyrë kolektive e dinë shumë mirë. Këta e dinë që nuk i lënë, ka faktorë edhe më të rëndësishëm se sa PS. Këta e dinë që i kapin prej veshi dhe i çojnë të votojnë reformën. Kushtetuta nuk e lejon
Ervin Salianji: PS sot flet edhe në emër të opozitës, këta mendojnë se janë parti shtet
