Rusia ka hapur zyrtarisht tashmë luftën kundrejt Ukrainës.
Një video që qarkullon në mediat sociale tregon një raketë që godet aeroportin Ivano-Frankivsk në Ukrainë në mes të pushtimit rus.
Trupat ruse hodhën raketa në disa qytete të Ukrainës pasi i shpallën luftë vendit të enjten. Megjithëse ushtria ruse tha se nuk sulmoi zonat e populluara në Ukrainë, një video tregon një raketë që godet një aeroport në Ivano-Frankivsk, Ukrainë.
Në videon prej 30 sekondash të shpërndarë nga një agjenci lajmesh, shihet se një raketë bie mbi objektin dhe shpërthen me një zhurmë. Nga ndërtesa u panë tymi të dendur, sapo raketa goditi zonën.
https://twitter.com/i/status/1496723227338735616
Anton Gerashchenko, një këshilltar i ministrit të brendshëm të Ukrainës, tha se ushtria ruse kishte nisur sulme me raketa në objektet e komandës ushtarake të Ukrainës, bazat ajrore dhe depot ushtarake në Kiev, Kharkiv dhe Dnipro. Ushtria, megjithatë, tha se nuk filloi një sulm në zonat e populluara.
Shpërthime u dëgjuan edhe në kryeqytetin ukrainas Kiev. Një gazetar me bazë në Kiev i tha India Today TV se shpërthimet u dëgjuan rreth orës 5 të mëngjesit të së enjtes.
Situata në Ukrainë është përkeqsuar, ku edhe bilanci i viktimave është rënduar, ku raportohet se deri më tani janë vrarë rreth 40 ushtarë dhe 10 civilë , mes të pushtimit të Rusisë.
Më tej ndihmësi i Zelenskyy, shtoi se dhjetëra qytetarë janë plagosur, ndërsa nuk ka dhënë më shumë detaje.
