15-17 marsi do i gjejë popullin rus përballë kutive të votimit për të zgjedhur presidentin e tyre.
Mirëpo, ashtu sikurse prej shumë vitesh, edhe këtë herë Putin është i sigurtë që do të fitojë këto zgjedhje, duke hedhur kështu poshtë çdo skenar.
Nëse edhe këtë herë fiton, Putin do të udhëheqë Rusinë edhe 6 vite të tjera. Gjithësej ai ka fituar 4 mandate, secili nga 6 vite.
Votimi do të zhvillohet gjithashtu në ato që Rusia i quan territore të reja, pjesë të Ukrainës që tani kontrollohen nga forcat ruse dhe i nënshtrohen ligjit rus.
Për herë të parë në zgjedhjet presidenciale në Rusi, një sistem votimi online do të jetë i disponueshëm.
Putin kandidon kundër komunistit Nikolai Kharitonov, Leonid Slutsky, kreut të Partisë nacionaliste Liberal Demokratike dhe Vladislav Davankov të Partisë së Re Popullore.
Boris Nadiezdin, i cili është kundër luftës, nuk u lejua të kandidojë, ashtu si edhe Ekaterina Dutsova.
