Në seancën e sotme parlamentare ka pasur shumë replika mes kryeministrit Edi Rama dhe deputetes Rudina Hajdari.
Rudina Hajdari u shpreh se sot ekziston një opozitë reale e cila herët e vonë do të fitojë, e që maxhoranca aktuale duhet ti druhet.
Hajdari ironizoi fjalimin e kreut të qeverisë duke u shprehur se të dalësh e të flasësh përralla me mbret, është për të ardhur keq.
“Të dalësh të flasësh përralla me mbret e të japësh histori e batuta, kjo është për të ardhur keq. Është ky kryeministër që thotë hajde debatojnë ide. Ku i keni idetë.”
Ndërkohë nga ana tjetër, kryeministri e quajti pa personalitet atë dhe të gjithë deputetët që qeshin kur ai i ofendon.
‘Mua më bën përshtypje zonja Hajdari që ju tërheq vëmendjen më shumë fakti që bëj batuta se ç’jua kanë tërhequr vëmendjen gjithë këngët me libër shtëpie që janë kënduar në këto dy vite?!
Dhe t’ju thuash deputetëve ju jeni njerëz pa personalitet ose ta them në mënyrë implicide se ju nuk keni personalitet përderisa qeshni dhe kur kryeministri bën një batutë, nuk është elegante. Dhe kam një këshillë mos e merrni seriozisht as Lulzim Bashën, as partinë që latë dhe qeshni dhe ju pak se të jeni të sigurt se do jeni më mirë do shikoni më lart dhe do qeshni pak më shumë, ’ – theksoi Rama.
