Ky nuk është një Kod Zgjedhor siç duhet të ishte, por duhet votuar. Ky është nënteksti i mesazhit që ka lëshuar nga kreu i Kuvendit në nisje të seancës së sotme plenare. “Në një republikë parlamentare, ligjet dhe vendimet që do të miratojmë sot nuk janë produkt laboratori. Si kryetar i Kuvendit do të falënderoja të gjithë, në mënyrë të veçantë do të falenderoj Komisionin e Reformës Zgjedhore dhe të gjithë deputetët për këtë kontribut, edhe Këshillin politik, opozitën parlamentare dhe pozitën. Ju ftoj të gjithëve të debatojnë dhe në fund të votojmë pro ligjeve, që lidhen me zgjedhjet e vitit të ardhshëm”, tha Ruçi.
Ruçi deklaroi se kjo seancë është stacioni i fundit i Reformës Zgjedhore. Kuvendi, deklaroi Ruçi, iu afrua maksimalisht të gjitha alternativave të mundshme të forcave politike dhe thekson se ndryshimet kushtetuese në Kodin Zgjedhor janë të standardeve europiane. ”Të nderuar kolegë dhe kolege, e dimë që është stacioni i fundit. Nisi me ngritjen e Komisionit të Posaçëm për Reformën Zgjedhore. Miratimi sot i ndryshimeve, sigurisht që do ndikojë në mënyrë pozitive tek zgjedhjet. Me këto ndryshime Kuvendi i afrohet maksimalisht, aq sa i shte e mundur alternativave të mundshme të forcave politike. Kryesorja mbi të gjitha është se sot po plotësjmë pritshmëritë e qytetëve shqiptarë, që kanë artikuluar kërkesa të qarta. Standardet perëndimor që do miratojmë sot, janë në KiE dhe Bundestag, si dy udhërrëfyes të rrugëtimit europian. Askush nga ne nuk e kishte menduar që kjo ditë do vononte kaq shumë. Duket ditur që Komisionin e ngritëm qysh në fillim të legjislaturës. Nuk mundëm. Miratimi i Reformës Zgjedhore u pengua nga pengesat e paparashikuara. Por Kuvendi eci përpara. S’ka qenë e lehtë të arrijmë këtu. ”- deklaroi Ruçi.
Debatet për Kodin e ri Zgjedhor, që lindën pas prishjes së marrëveshjes së 5 qershorit, përfshinë listat e hapura dhe koalicionet zgjedhore. Një ditë më parë, opozita la të kuptohej se do të shkonte në zgjedhje dhe do të fitonte me këtë kod zgjedhor. De facto, edhe lidershipit opozitar i vjen mirë që listat nuk do të hapen 100 për qind, duke mbajtur kontrollin e kandidatëve për deputetë. Ndërkaq, pikë e nxehtë do të vazhdojë të jetë çështja e koalicioneve, pasi opozita është e pavendosur për të dalë me lista të përbashkëta të kandidatëve.
/Gazeta Reforma/
