Javët e fundit, Policia e Shtetit ka ndërmarrë aksionin e heqjes së kamerave të vendosura në mënyrë të paligjshme në rrugët e qyteteve të ndryshme të vendit.
Ndërkohë që eksperti i kriminalistikës Ervin Karamuço për “Top Neës” shprehet se ky është një operacion që duhet të niste më herët, teksa është një bashkëpunim i Policisë së Shtetit dhe autoriteteve gjermane. Një nga arsyet kryesore pse ka ndodhur kjo gjë ishte sepse sëfundmi ishte vënë re që krimi ishte forcuar shumë edhe nga ana tekonologjike.
“Kjo është në strategji që është punuar prej dy vitesh me asistencë të policisë gjermane të cilët kanë ardhur në fund të vitit të kaluar. Kanë sjellë një dokument për të forcuar policinë kriminale dhe për të dobësuar krimin në vend. Ky aksion ka patur ndërmend të fillonte në janar. Një nga analizat që kanë bërë gjermanët ka qenë dhe fakti që krimi është forcuar shumë edhe në sistemet tekonlogjike, si kamera etj.
Këto kamera nuk janë përdorur vetëm për tu mbrojtur nga rivalët apo për të pikasur dhe policinë, por janë përdorur dhe për të kryer atentate. Nuk e di pse deri tani nuk është marr guximi ama i përgozoj drejtuesit për këtë nismë, por nuk e dimë a do heqin kamerat apo krimin? Sepse është bërë një gabim në këtë operacion, i cili duhet të ishte njëherësh. Këto operacione duhet të jenë të mirëmenduar dhe tu shkojmë në fund gjërat. Shumë nga këto kamera janë hequr dhe nuk dihen pronarët, nga ana tjetër heqja e ketyre kamerave është bërë nga efektivët që nuk janë trajnuar për këtë gjë. Është verfikuar që qendra si Shkodra ka patur disa salla operative për të identifikuar përsonat e dyshimtë dhe të panjohur në lagje. Bëheshin intervistime madje, pse ke hyrë, ku do shkosh…”, deklaroi Karamuço.
