Kryeministri Edi Rama ka njoftuar se sot, është hapur Rruga e Arbrit.
Me një video të rrugës, të postuar në rrjete sociale, Rama iu uron shqiptarëve, 29 Nëntorin, festën e Çlirimit të Shqipërisë.
Ndërkohë nuk ka munguar një reagim nga deputetja e opozitës për qarkun e Dibrës e cila shprehet se sipas kontratës rruga nuk ka mbaruar dhe se e gjitha është një propagandë.
Çipi shton se rruga që iu ka kushtuar shqiptarëve 400 milardë lekë është e papërfunduar dhe se qeveria ka dështuar disa herë me premtimet e dhëna në lidhje me hapjen e rrugës së Arbërit.
“Nxitimi për të shpallur, në ditën e ndarjes së shqiptarëve, hapjen e Rrugës së Arbrit, kur rruga akoma nuk ka mbaruar sipas kontratës, është, më e pakta, tallje me dibranët. Dështimi i qeverisë për të mbajtur premtimin e përfundimit të rrugës në prill dhe dështimi i premtimit për ta përfunduar rrugën në fund të këtij viti nuk mund të mbulohet nga propaganda e qeverisë.
E vërteta është se rruga që na ka kushtuar 400 miliardë lekë është e papërfunduar dhe hapja e sotme është propagandistike.
Në vend të mashtrimeve, qeveria duhet t’u thotë dibranëvë dhe shqiptarëve a do të paguajnë ata deri në 8 euro për një udhëtim vajtje-ardhje në Rrugën e Arbrit, kur rruga të përfundojë sipas kontratës?!”, shprehet Dhurata Çupi.
