Numri i rasteve të reja vijon të jetë i lartë në vendin tonë, pasi në 24 orët e fundit janë regjistruar 17 raste të reja duke e çuar në 933 numrin total të të prekurve.
Rastet e reja janë kryesisht raste kontakti, ku 8 janë në Tiranë, 8 në Durrës dhe 1 në Krujë, teksa Ministria e Shëndetësisë informon se janë kryer 306 testime, 48 prej të cilëve kanë qenë personel shëndetësor.
Kjo është dita e tretë radhazi që kurba ka pësuar rritje, teksa më herët kryeministri Rama ka paralajmëruar se nëse shifrat vijojnë të jenë të larta Tirana, që është aktualisht qyteti më i prekur, rrezikon izolimin.
Së fundmi, Instituti i Shëndetit Publik i bën thirrje qytetarëve të vazhdojnë të respektojnë masat anti-covid për të parandaluar përhapjen e virusit.
Me anë të një postimi në Facebook, ISHP kërkon që qytetarët të qëndrojnë të sigurtë në ambiente me shumë njerëz si dhe të bëjnë pazare për një javë, për të shmangur kontaktet me të tjerët.
“Në këtë situatë të lehtësimit të masave, kemi rritur vigjilencën për gjurmimin, testimin dhe identifikimin në kohë të rasteve të dyshuara me COVID-19 si dhe kontakteve të tyre, në mënyrë që situata të vazhdojë të mbahet në kontroll.
Ju bëjmë thirrje të gjithë qytetarëve që të vazhdoni të respektoni distancimin fizik dhe të mbani higjienën personale. Praktika për t’u ndjekur dhe shmangur në mënyrë që të mbroni veten dhe të tjerët nga COVID-19”, shkruan ISHP.
Këshillat e ISHP për qytetarët
Qëndroni të sigurt nëse duhet të dilni nga shtëpia për qëllime thelbësore sikurse janë vajtja në pazar apo farmaci:
Nëse është e mundur kufizoni daljen dhe provoni mundësitë online
Vizitoni sa më pak vende të jetë e mundur
Merrni furnizime për të paktë një javë
Mbani të paktë 1 metër distancë nga të tjerët
Lani duart para dhe pas
