Nënkrytarja e Partisë Demokratike, Jorida Tabaku ka kërkuar që të thirret në seancë dëgjimore Autoriteti i Konkurrencës sa i përket rritjes së çmimit të bukës dhe për këtë çështje duhet ngritur një hetim.
Tabaku tha se Brenda tre javëve AK duhet të thirrur Brenda tre javëve dhe të nisin hetimet e të ketë sugjerime edhe nga operatorët. Ajo theksoi se duhet transparencë për ata që kanë votuar dhe t’u prezantohet çfarë ka ndodhur e pse është rritur çmimi i bukës.
“Të thërrasim në seancë dëgjimore Autoritetin e Konkurrencës. Rritja e çmimit të bukës dhe miellit brenda 1 dite, marrja e një iniciative për hetim në treg pa dalë me konkluzion nga Autoriteti, dhe situata e krijuar na detyron ne si Komision të jemi të përgjegjshëm, për ata që na kanë votuar, të na prezantojnë çfarë ka ndodhur, situatën, pse është rritur çmimi.
Besoj që janë të gjithë të ndërgjegjshëm që kjo është një situatë që nuk varret nga situatë e jashtme, brenda 3 javëve të thërrasim Autoritetin e Konkurrencës, të hetojmë, dhe të ketë sugjerime, nga operatorët, besoj që deputetët e këtij komisioni kanë nevojë për transparencë”, ka thënë Tabaku.
Kujtojmë që çmimi i bukës u rrit papritur pak kohë më parë, ndërsa Autoriteti i Konkurrencës mori si masë vetëm paralajmërimin ndaj kompanive të tregtimit të miellit.
