Lufta midis Rusisë dhe Ukrainës ka pasoja të shumta në të gjithë botën, që konsistojnë kryesisht në sektorin ekonomik.
Edhe Shqipëria është e prekur nga pasojat, ku ekonomia do të pësojë goditje direkte dhe të tërthorta nga sulmet e Rusisë në Ukrainë.
Për të siguruar rezervave në familjet e tyre,qindra banorë të qytetit të Kukësit janë dyndur mbi pikat e shitjes së miellit
“Fax News” ka sjellut nga afër këtë situatë, qytetarët me automjetet e tyre, mjetet e transportit apo edhe triçikla po shpejtojnë të ngarkojnë thasët me miell.
Ndërkohë prej ditës së djeshme, vërejnë transportuesit, se është rritur puna e tyre për shkak të luftës në Ukrainë.
Përpos rritjes së kërkeses për blerje të miellit, banorët pohojnë se është rritur me 200 lekë të reja edhe një thesë miell që nga dita e nisjes së luftës. Ata thonë se kjo është abuzive, pasi mielli që tregtohet në vend, ka hyrë me çmimin normal, të para luftës.
Nga ana tjetër tregtarët e miellit nënë zë, jashtë kameras, pohojnë se rezervat e miellit janë të mëdha, po ashtu nuk e pranojnë faktin se ka rritje të çmimeve nga bursa këto dy ditë, por lënë të kuptohet se rritja e tyre është abuzuese nga një pjesë e tyre.
Rusia është eksportuesi më i madhë i drithërave në vendin tonë. Shqipëria afro 70% të drithërave i siguron nga Serbia dhe Rusia. Vendosja e sanksioneve Rusisë për shkak të pushtimit të Ukrainës, detyron Shqipërinë të gjejë treg të ri për drithërat.
