Qeveria franceze e pakicës, e udhëhequr nga Michel Barnier, u rrëzua mbrëmjen e sotme pas një mocioni të votëbesimit në Parlament.
Kjo është qeveria e parë që rrëzohet në këtë mënyrë që nga viti 1962 dhe njëkohësisht është qeveria më jetëshkurtër e Republikës së Pestë të Francës.
Mocioni i paraqitur nga aleanca e majtë NFP u mbështet nga 331 deputetë, shumë më tepër se 288 votat e nevojshme për ta realizuar atë.
Barnier, një konservator veteran, që mbajti postin e kryeministrit për gati tre muaj, tani është i detyruar të paraqesë dorëheqjen e tij dhe të qeverisë së tij presidentit Emmanuel Macron.
Ky rezultat thellon krizën politike të Francës dhe përbën një goditje të rëndësishme për Bashkimin Evropian, duke u ndodhur në një periudhë të tensionuar politike dhe zgjedhore, përpara se Donald Trump të rikthehet në Shtëpinë e Bardhë.
Votimi i sotëm ka sjellë trazira në politikën e Francës, e cila mund të hyjë në vitin 2025 pa një qeveri të qëndrueshme dhe pa buxhet të miratuar.
