Një ngjarje tragjike ka ndodhur në Ukrainë këtë të mërkurë. Një helikopter është rrëzuar në Kiev, ku si pasojë kanë humbur jetën 18 persona, përfshirë edhe ministrin e Brendshëm ukrainas.
Ndërkohë që bëhet e ditur se janë edhe 22 persona të plagosur, mes tyre 10 fëmijë.
Helikopteri u përplas me një kopësht fëmijësh dhe me një rezidencë banimi dhe menjëherë pas shpërthimit, ka shpërthyer në flakë.
Këshilltari i Ministrit të Brendshëm, Anton Gerashchenko njoftoi në mediat sociale se “Monastyrsky, zëvendësministri Yevheniy Yenin dhe sekretari i shtetit Yuriy Lubkovychis vdiqën në aksident”.
Vle të përmendim se helikopteri që u rrëzua ishte një Eurocopter EC225 “Super Puma”. Guvernatori rajonal i Kievit, Oleksiy Kuleba, tha se “në momentin e tragjedisë kanë qenë të pranishëm fëmijë dhe punonjës të kopshtit”. Sipas raportimeve nga mediat ndërkombëtare, helikopteri u përplas fillimisht në kopshtin e fëmijëve dhe më pas u rrëzua pranë një pallati ku shpërtheu në flakë. Pas përplasjes një zjarr shpërtheu pranë kopshtit dhe fëmijët dhe stafi u zhvendosën nga ndërtesa. Ndërkohë mbetjet nga helikopteri ishin të dukshme jashtë një ndërtese të djegur. Kuleba shtoi se ka njerëz të lënduar, por nuk dha detaje tjera. Ekipet mjekësore, policia dhe zjarrfikësit janë në vendin e ngjarjes, shtoi ai.
