Gjykata e Durrësit ka marrë vendimin për Bahrije Gjuni, gjyshen që rrëmbeu nipin e saj 3-vjeçar. Ndaj 57-vjeçares është vendosur masa “detyrim paraqitje”. Në seancë gjysha e djalit 3-vjeçar u shpreh se gjithçka e ka bërë nga dashuria për djalin e vogël dhe nga dëshira për ta rritur vetë fëmijën pas vdekjes së të atit të tij dhe birit të saj.
Vendimi i Gjykatës:
– Çështja penale me Nr. 241/4 Akti, me objekt “Vleftësimin e ligjshëm të arrestit dhe caktimin e masëes së sigurimit ndaj shtetasve B.Gjuni e dyshuar per kryerjen e vepres penale te parashikuar nga neni 109/2 dhe 25 te Kodit Penal”:
Kjo çështje u shortua elektronikisht pranë Gjyqtares Besjana Garxenaj.
Seanca gjyqësore u zhvillua në datë 22.04.2024, ora 14:00.
Në përfundim të shqyrtimit gjyqësor, për çështjen e sipërcituar, Gjykata e Shkallës së Parë e Juridiksionit të Përgjithshëm Durrës ka disponuar me Vendimin Nr. 241/2, datë 19.042024, ku ka vendosur:
VENDOSI:
2. Caktimin e masës së sigurimit personal “Detyrim për t’u paraqitur në policinë gjyqësore” të parashikuar nga neni 234 i K.Pr.Penale, ndaj personit nën hetim B. Gjuni.
3. Detyrimin e personit nën hetim B. Gjuni, që të paraqitet në Policinë Gjyqësore Prokuroria pranë Gjykatës së Shkallës së Parë të Juridiksionit të Përgjithshëm Durrës, të Mërkurën e parë dhe të tretë, të çdo muaji, ora 10:00.
4. Urdhërohet lirimi i menjëhershëm i personit nën hetim B. Gjuni, nëse nuk mbahet për ndonjë shkak tjetër ligjor.
5. Urdhërohet Prokuroria pranë Gjykatës së Shkallës së Parë të Juridiksionit të Përgjithshëm Durrës për ekzekutimin e këtij vendimi.
6. Kundër këtij vendimi mund të bëhet ankim në Gjykatën e Apelit të Juridiksionit të Përgjithshëm Tiranë brenda 5 (pesë) ditëve, duke filluar ky afat nga dita e nesërme e njoftimit të vendimit të arsyetuar.
U shpall sot në Durrës, më datë 22.04.2024.
Gjuni u vu në pranga pasi akuzohej për rrëmbim personi. Pasi dorëzoi djalin në duart e të ëmës, Gjuni është shprehur se gjatë kohës që është zhdukur, ka qëndruar në fshatin Gjinaj të Krumës dhe në fshatin Buzmadh të Kukësit. Në fund, gjyshja shtoi se kur është vënë në dijeni të arrestimeve, ka vendosur të vetëdorëzohej pranë autoriteteve.
