Luljeta Bozo ka zbuluar detaje rreth saj që nuk i kishim ditur më parë në një video të postuar nga kryeministri Rama. Në videon ku ajo bën një prezantim të shkurtër të vetes, inxhinierja ka zbuluar se zgjohet që në 4 e gjysmë ose 5 dhe bën 5 km ecje.
Sipas Bozos, ajo ka ende për të përmirësuar gjendjen e pensionistëve e për t’i aktivizuar në disa probleme ku do ndihen të dobishëm. Ajo ka treguar se ka qenë në televizione pa asnjë interes kur ra tërmeti i 26 nëntorit, pasi niset nga parimi i të bërit mirë. Bozo thotë se shumë njerëz e kanë uruar për kandidimin si deputete për Partinë Socialiste dhe i kanë thënë se kështu njerëzish duan që t’i përfaqësojnë.
Teksti i videos:
“Gjënë më të shtrenjtë kam kohën se po të iku koha nuk rikuperohet. Në 1965 mbarova studimin në fakultetin e inxhinierisë, u diplomova dhe duke qenë se isha me rezultate të mira më mbajtën në universitet. Kam 56 vjet që punoj pa ndërprerje. Librin e parë e kam nxjerrë në 75 ‘. Deri më sot janë bërë gati 35 libra të botuar.
Çohem shumë herët në 4 e gjysmë ose 5. Bëj një ecje 5 km. Ky është regjimi ditor i ushtarit.
Për moshën që kam them se kam akoma për të përmirësuar gjendjen e pensionistëve dhe për ti aktivizuar në disa probleme shoqërore ku do ta ndiejnë veten shumë mirë dhe shumë të dobishëm për shoqërinë. Fusha e dytë që kam prioritet është fusha e kërkimit shkencor kjo do të jetë e bashkangjitur me zhvillimin e arsmimit të lartë se s’mund të zhvillohet arsimi pa kërkim shkencor.
1 javë rrjesht kam qenë në të gjithë televizionet pa asnjë interes sepse unë nisem nga parimi i të mires. Të mirën bëje e hidhe në det se nuk të humbet. Njerëzit fituan një qetësi se më vinin mesazhe pafund”.
Reagimet që kam marrë pasi pranoi të kandidojë kanë qenë pozitive.
Takoj njerëz pafund, s’i njoh fare më japin falenderime që pranova të kandidoj. Shprehin dëshirën se duan kështu njerëzish që t’i përfaqësojnë”, thotë Bozo në rrëfimin e saj.
