Kryeministri Edi Rama zhvilloi një vizitë tek bizneset paraditen e sotme.
Teksa vizitoi një ndërmarrje të veshjeve tradicionale, e cila drejtohej nga një zonjë Rama u shpreh se tashmë një biznesi i tillë do të marrë frymë lirshëm.
Shefi i qeverisë me shaka tha se kur të lëri politikën do të vijojë të punojë në të tilla ndërmarrje dhe synimi i tij është që të krijojë veshje moderne, madje i premtoi zonjës edhe një bashkëpunim.
“Ulja trefish e taksës, synon që pikërisht këto biznese në këtë fashë, janë biznese me një lloj përmbajtje të sofistikuar dhe do ndihmojnë shumë për inovacion në ekonomi. Ata mund të marrin frymë më qetë. Më parë nuk kishim mundësi ta bënim uljen, sot e kemi. I thashë shefes, kur unë të lë politikën edhe unë do të merrem me këto punë. Do bashkëpunojmë dhe do të bëjmë veshje moderne.”– tha Rama.
