Java ka nisur me mot të kthjellët, ndërsa sinoptikania ka lajmëruar se një situatë e tillë do të vazhdojë deri ditën e mërkurë pasdite ku vendi ynë pritet të përfshihet në zona të caktuara nga vranësira .
Sinoptikania ka paralajmëruar se fillimisht rrebeshet e shiut do të nisin në pjesën veriore të mërkurën pasdite për të vazhduar më pas në të gjithë territorin e vendit tonë ditën e enjte me rrebeshe shiu.
“Fillimisht në zonën veriore duke sjellë reshje të pakta shiu dhe gjatë ditës së enjte presim rrebeshe afatshkurta shiu në pjesën më të madhe të vendit tonë”, tha sinoptikania Adiola Bani për Panorama.al.
Moti do të përmirësohet gjatë fundjavës, duke filluar nga dita e premte që do të sjellin kthjellimet ndërsa reshjet mbeten të pakta dhe të izoluara.
Sipas Meteoalb, për sa i përket temperaturave të ajrit, në këtë fillim jave vlerat termike do jenë deri në 37 gradë por e mërkura sjell rënie me dy gradë dhe dita e enjte do bëjë që termometri të zbresë deri në 33 gradë celcius.
“Fundjava do sjellë rritje të lehtë të vlerave termike. Era gjatë kësaj fillim jave do të jetë mesatare gjatë mesditës, por e mërkura dhe në vijim na sjellin erë të fortë jo vetëm në det të hapur por edhe në Ultësirën Perëndimore”.
