Kapiteni i Kosovës, Amir Rrahmani, i cili mori vendimin për të tërhequr skuadrën nga fusha për shkak të thirrjeve antishqiptare, ka dhënë një deklaratë pas braktisjes së ndeshjes me Rumaninë.
Gjithçka filloi para ndeshjes. Rumania bëri fushatë që tifozët të mos bënin thirrje raciste. Por, gjatë gjithë ndeshjes na kanë thënë Kosova është Serbi, u shpreh Rrahmani.
Ky nuk është incidenti i parë mes dy skuadrave, pasi edhe në takimet e mëparshme ka pasur ndërprerje të ndeshjes për shkak të incidenteve të shkaktuara nga tifozët rumunë, gjatë eliminatoreve për Evropianin e kaluar.
“Në fund, nuk dua as ta përsëris atë e më fortë që ndodhi. I thashë arbitrit, por ai nuk donte të dëgjonte. Dhe i thashë që do të largohemi nga fusha, sepse ai nuk dëshiron të ndërmerrte asnjë veprim. Tifozët filluan të bërtasin gjithnjë e më fort dhe ne vendosëm të mos ktheheshim në fushë. UEFA duhet të vendosë sepse jemi futbollistë, jemi për të përfaqësuar këtu popullin tonë, shtetin tonë që ka të kaluar të vështirë. Një luftë e madhe ka marrë jetën e njerëzve, ka pasur masakra. Kjo është e tepërt. Ndaluni. Ta dinë të gjithë se Kosova është Kosovë ose Kosova është Shqipëri, kaq!”, theksoi futbollisti.
