Janë publikuar pamjet e rënda të sherrit midis Rei Metës dhe Armando Meshaut në Vlorë, ku ky i fundit mbeti viktimë. Siç shihet edhe në pamjet e siguruara nga BalkanWeb fillimisht ato debatojnë brenda ambienteve të kancelarisë dhe më pas përplasen fizikisht. Ka qenë Meshau, i cili e qëllon i pari me grusht 33-vjeçarin, ndërsa ky i fundit i kthehet brutalisht me grushte kokës. Më pas 55-vjeçari rrëzohet mbi karrige, dhe ndërron jetë, ndërsa i riu largohet nga qendra e internetit.
Rei Meta djali i anëtares së KLP ka dhënë dëshminë e tij lidhur me ngjarjen e rëndë të ndodhur ditën e djeshme në Vlorë.
Dëshmia në polici e Rei Metës:
“Nuk ka pasur qëllim që të vras 55-vjeçarin dhe se në kancelari ai me viktimën janë takuar rastësisht dhe se të dy do të printonin disa dokumente”.
Gjithashtu në dëshmi Rei Meta thotë se viktima, Armando Meshau e ka ofenduar i pari dhe ky e ka goditur kur konflikti ka agravuar. 33 vjeçari pretendon se ka goditur për vetëmbrojtje dhe se 55-vjecari e ka humbur jetën nga përplasja me tokën.
