Francesco Totti, ish-kapiteni legjendar i Romës, është nën hetim nga Prokuroria e Romës për evazion fiskal, sipas raportimeve të “La Verità”.
Totti po akuzohet për mosdeklarimin e të ardhurave të tij nga reklamat, duke shkaktuar një borxh tatimor prej 200,000 eurosh për shkak të gjobave dhe interesave.
“Guardia di Finanza” zbuloi se ai nuk kishte hapur një pozicion specifik të TVSH-së për të ardhurat nga reklamat, duke mos paguar taksat e nevojshme.
Pavarësisht se Totti ka paguar shumën e kërkuar për të mbyllur çështjen, ai është regjistruar si i dyshuar nga Prokuroria për mosdeklarimin e të ardhurave.
Sipas ligjit italian, ai mund të përballet me një dënim që varion nga 2 deri në 5 vite burg, nëse akuza konfirmohet.
Totti pritet të paraqitet para Prokurorisë në mes të dhjetorit për t’u marrë në pyetje nga prokurori Vincenzo Barba.
