Një ngjarje tejet e pazakontë është regjistruar në Aeroportin e Rinasit, në Tiranë. Bëhet e ditur se avioni linjës Tiranë-Pisa i cili ishte nisur për në destinacion, është rikthyer në pistë vetëm pak minuta më pas.
Mësohet se shkak për këtë kthim pas të avionit, pak orë pas nisjes, është bërë xhupi i një pasagjeri që mbante aromë trëndelinë. Ka qenë pikërisht kjo aromë që ka alarmuar stjuardesat dhe stafin e avionit, pasi kanë menduar se në mjetin fluturues mund të ketë lëndë narkotike. Ajo që bëhet e ditur është edhe fakti se piloti pas këtij alarmi është detyruar të zbresë nga ajri dhe të kthehet në pistë, ndonëse nuk kishte shumë orë që ishte nisur për udhëtim.
Pas uljes së avionit, autoritetet përkatëse kanë nisur të kontrollojnë mjetin fluturues dhe pasagjerin që mbante këtë aromë. Pas verifikimit të pasagjerit me aromë trëndelinë, policia nuk ka konstatuar prezencë të lëndës narkotike ndërsa avioni është nisur drejt destinacionit, pa asnjë problem.Ndërkohë e gjithë kjo ngjarje e pazakontë ka shkaktuar vonesë me gati dy orë nga destinacioni që ishte Rinasi, për në Pisa.
Pas kësaj, vlen që të gjithë pasagjerët të mos mbajnë aromë të tillë, pasi mund edhe të bëhen shkak për ngjarje si kjo e ditës së sotme, që duken interesante, por që shkaktojnë vonesa dhe nervozizëm tek pasagjerët e tjerë të cilët duan të shkojnë në destinacionin e planifikuar.
