Javën e ardhshme, maturantët do të rikthehen në shkollë për të zhvilluar konsultimet e fundit para provimeve të Maturës Shtetërore, të cilat fillojnë më datë 6 qershor.
Mbrëmjen e sotme, nëpërmjet një video-mesazhi ministrja e Arsimit Besa Shahini ka ripërsëritur disa prej rregullave kryesore që duhet të ndiqen gjatë qëndrimit në shkollë për të parandaluar përhapjen e koronavirusit.
Rregulli i parë, sipas Shahinit, është vendosja e maskës para shkollës dhe rreshtimi në distancë 1.5-2 metra nga njëri-tjetri, distancë e cila duhet të mbahet gjatë gjithë qëndrimit në shkollë.
Ministrja u shpreh se në hyrje të secilës shkollë dhe në korridoret e secilit kat janë të vendosura postera me ilustrime të thjeshta të rregullave kryesore që duhet të ndiqen nga maturantët gjatë qëndrimit në shkollë.
Rregulli i dytë, sipas saj është edhe higjena personale, kryesisht larja e shpeshtë e duarve.
Në lidhje me këtë, Shahini shprehet se “para tualeteve të shkollës janë vendosur postera me hapat që duhet të ndiqen për një larje të thellë dhe të mirë të duarve.”
Sa i përket qëndrimit në klasa, ministrja u shpreh se nxënësit në banka do të mbajnë 1.5 metra distance.
“Më 18 do të ktheheni në bankat e shkollës. Është e rëndësishme të ndiqni disa rregulla. Para se të shkoni në shkollë duhet të vini maskën. Para shkollës duke të rreshtoheni në distancë 1.5 metra. Distancë që do të mirëmbahet gjatë gjithë qëndrimit. Nëse kemi nevojë për dezinfektues, do ta keni në bankën e shkollës. Nëse i harroni rregullat kryesore të qëndrimit në shkollë, mos u shqetësoni se në hyrje do të keni një poster për rregullar kryesore. Rregulli kryesor është larja e duarve para tualeteve të shkollës janë vendosur postera me hapa që duhet të ndiqen për një larje të mirë,”-tha ajo.
https://www.facebook.com/1980444878879282/posts/2571883689735395/
