Ministrja e Shëndetësisë, Evis Kushi ka reaguar pas vendimit të Komitetit të Ekspertëve për të rikthyer maturantët në shkolla në bashkitë që deri sot konsideroheshin zona me rrezikshmëri të lartë infeksioni. Kushi shkruan se këto shkolla do të jenë të përgatitura për të mirëpritur plotësisht nxënësit sips protokolleve anti-COVID. Më tej ministrja falenderon nxënësit, mësuesit dhe prindërit për mirëkuptimin e treguar deri tani dhe bën apel për të treguar kujdes në rspektimin e rregullave me qëllim mbrojtjen e shëndetit të gjithsecilit në vijim të procesit mësimor.
Statusi i Kushit:
Jam optimiste për sugjerimin e fundit të Komitetit të Ekspertëve për rikthimin në bankat e shkollës të maturantëve nga 10 bashkitë që deri më sot konsideroheshin zona me rrezikshmëri të lartë infeksioni. Shkollat e mesme pranë këtyre bashkive janë plotësisht të përgatitura për të mirëpritur nxënësit sipas të gjithave protokolleve anti-COVID.
Duke falenderuar çdo nxënës, mësues e prind për mirëkuptimin e reflektuar deri më tani, apeloj fort që të jemi shumë të kujdesshëm në respektimin e rregullave me qëllim mbrojtjen e shëndetit të gjithsecilit dhe vijimin me një proces të rregullt mësimor.
Faleminderit dhe suksese të gjithëve!
Komiteti Teknik i Ekspertëve u mblodh ditën e sotme dhe vendosi rikthimin e maturantëve në shkolla, ndërsa la në fuqi masat e tjera kufizuese për orën policore 20:00 deri në 06:00 dhe vazhdimin e mësimit online për studentët.
