Ndryshimi i kufijve të shteteve është një problem i madh, e sidomos kur kjo është duke u diskutuar në Ballkan.
Pikërisht rikorigjimi i kufijve nuk shihet si shenjë e mirë nga shumë shtete, ku i pari që kryeson tashmë është Gjermania.
Ka qenë vet Gunther Kirchbaum, drejtuesi i Partisë Kristian Demokrate, parti kjo shumë e afërt me kancelarin Merkel, i cili ka thënë këto fjalë: “Gjermania është shumë e qartë për rikorigjimin e kufijve.”
Pra për Gjermaninë korrigjimi i kufijve do të thotë rrezik për stabilitetin e rajonit.
“Gjermania është shumë e qartë, ndryshimi i kufijve dhe shkëmbimi i territoreve në Ballkan nuk është i mundur. Tërheqja e linjave etnike për Berlinin është një kërcënim”, ka thënë Kirchbaum.
Mirëpo sot, Kirchbaum nuk ka folur vetëm si përfaqësues gjerman, por edhe si Kryetar i Komisionit për Çështjet Evropiane, ndaj dhe nuk ka nguruar të thotë se shtetet e Ballkanit Perëndimor që bëjnë deklarata të tilla duhet t’i marrin parasysh pasojat.
Edhe një herë tjetër ai kujton Luftën e dytë botërore dhe konfliktet e viteteve 1990 dhe konkluzioni tashmë dihet.
“Sa herë që diskutojmë zgjidhjet e mundshme për çështje dypalëshe, duhet të marrim parasysh pasojat që mund të shkaktohen për vendet tjera. Prandaj është vendimtare që të veprohet me kujdes”
Gjatë fjalës së tij ai është shprehur se Evropa duhet të pyes veten para se të mendoj ndryshimin e kufijve apo shkëmbimin e territoreve.
