Përveç presidentit të sapo zgjedhur të SHBA-së, Donald Trump, të paktën 40 krerë shtetesh do të marrin pjesë në rihapjen e Notre-Dame de Paris të shtunën, e cila u restaurua pasi u përfshi nga zjarri shkatërrues në vitin 2019.
Presidenti i Ukrainës Volodymyr Zelensky do të vizitojë Parisin, ku do të pritet në Pallatin Elysee nga presidenti francez Emmanuel Macron, i cili pritet të takohet edhe me Donald Trump.
Në këtë ngjarje kanë konfirmuar pjesëmarrjen edhe disa liderë të tjerë evropianë, përfshirë: presidentin gjerman Frank-Walter Steinmeier, atë italian Sergio Mattarella, presidentin polak Andrzej Duda, kroatin Zoran Milanovic, bullgarin Rumen Radev, estonezin Alar Karis, finlandezin Alexander Stubb dhe lituanezin Gitanas Nauseda. Greqia do të përfaqësohet nga presidentja Katerina Sakellaropoulou.
Në listën e të ftuarve për ceremoninë e rihapjes së katedrales Notre Dame janë përfshirë emra të tjere si: kryeministri armen Nikol Pashinyan, presidentes gjeorgjiane Salome Zurabishvili, kryeministrit serb Milos Vucevic, presidentes së Kosovës Vjosa Osmani dhe kryeministrit holandez Dick Schoof. Ndërkohë, Presidentja e Komisionit Evropian, Ursula von der Leyen, nuk do të marrë pjesë.
Ceremonia do të ketë pjesëmarrjen e disa familjeve mbretërore evropiane, përfshirë çiftin mbretëror belg Philippe dhe Mathilde, si dhe Princin Albert të Monakos. Princi William do të përfaqësojë Mbretërinë e Bashkuar, por pa shoqërinë e gruas së tij, Kate Middleton.
Pjesëmarrës do të jenë edhe disa liderë afrikanë, përfshirë presidentin kongolez Denis Sassou Nguesso, presidentin e Republikës Demokratike të Kongos Félix Tshisekedi, Brice Oligarchy Ngouma të Gabonit dhe Faure Gnassingbé të Togos. Presidenti amerikan Joe Biden do të përfaqësohet nga Zonja e Parë, Jill Biden.
Për shkak të kushteve të parashikuara të motit, ceremonia do të zhvillohet brenda katedrales. Presidenca franceze dhe Dioqeza e Parisit deklaruan se parashikimet e Météo France për mot të keq të shtunën e detyruan riorganizimin e aktivitetit.
