Me mbërritjen e COVID-19 në vendin tonë, drejtori i DPSHTRR (Drejtoria e Përgjithshme e Shërbimit të Transportit Rrugor), Blendi Gonxhe njoftoi të gjithë qytetarët që mund të kenë patur gjobë, kamatëvonesa apo për të gjithë ata që u skadon kolaudimi i automjetit se nuk kanë përse të shqetësohen.
Gonxhe bëri të ditur me anë të një njoftimi zyrtar, se do të pezullohet gjithçka deri në momentin që situata t’i kthehet normalitetit dhe rrjedhimisht qytetarët nuk do të kenë asnjë lloj penaliteti.
Njoftim i rëndësishëm për shoferët: Ja çfarë do ndodhë me gjobat, kamatëvonesat dhe kolaudimin
Në kuadër të masave lehtësuese që po ndërmerr qeveria, ditën e sotme DPSHTRR ka lajmëruar se qendrat e kontrollit teknik të automjeteve do rifillojnë punë ditën e martë, datë 14 prill 2020, fillimisht me shërbimin për mjetet e transportit dhe shpërndarjes së mallrave e furnizimeve.
Po ashtu, rinis edhe funksionimi i arkave të pagesës së taksave vjetore dhe tarifave të patentave.
Aktualisht, makinat lejohet të qarkullojnë edhe pse mund t’u ketë kaluar afati i pagesës së taksës së përvitshme dhe ai i kolaudimit dhe i vetmi dokument që nuk është pezulluar është siguracioni, i cili mund të blihet edhe online.
Si duhet të veproni?
- Për çdo makinë duhet të rezervohet kontrolli në qendrën që i përket zonës së tij të regjistrimit, ku kërkohet të plotësohet detyrimisht në fushën e emrit ose mbiemrit edhe numri serial i pullës së taksës vjetore të paguar (përbëhet nga 2 shkronja e 6 shifra).
- Më pas, autoritetet kërkojnë që drejtuesit e mjeteve të paraqiten me maskë fytyre e doreza dhe të kenë në kabinë solucion dizinfektant për sipërfaqet e brendshme të kabinës, ndërsa xhamat anësore të lihen gjysmë ose plotësisht të ulur.
Ndërsa, të gjithë ata që duan të rinovojnë lejen e drejtimit të makinës apo të paguajnë taksat vjetore nga nesër mund të drejtohet në sportelet e drejtorive rajonale të shërbimit të transport, që po ashtu do rifillojnë punë nga 14 prilli në oraret 08:00-16:00 nga dita e hënë në të premte.
