Kryeministri i vendit Edi Rama, teksa prezantoi paketën e dytë ekonomike për përballimin e situatës nga koronavirusi, dha një lajm të mirë për të gjithë shqiptarët që kanë mbetur jashtë territorit të Republikës së Shqipërisë.
Rama tha se riatdhesimet do të nisin brenda kësaj jave, por qytetarët duhet të paguajnë vetë për biletën dhe hotelin.
Pasditen e sotme Rama ka njoftuar sërish në Facebook se në fund të javës do fillojë operacioni i dytë ri riatdhesimit për emigrantët që duan të kthehen në Shqipëri.
Ai ka publikuar një video të ministres së Infrastrukturës, Belin Balluku, e cila ka prezantuar planin.
Qeveria prezanton planin e riatdhesimit: Ja si do bëhet kthimi dhe ku do akomodohen
Mbrëmjen e sotme Belinda Balluku, në një lidhje me Skype për “Opinion” ka bërë me dije destinacionet e tjera nga do të riatdhesohen shqiptarët e mbetur jashtë vendit.
Ministrja bëri të ditur se fluturimet do të përcaktohen në bazë të kërkesave të qytetarëve shqiptarë, ndërsa kur të mbërrijnë në Shqipëri do të karantinohen në një hotel dhe qëndrimi sipas saj do kushtojë 25 mijë lekë të vjetra.
“Kemi përcaktuar desitnacionet e para, Romë dhe Milani. Varet nga vijnë kërkesat. Gjermania dhe Franca janë dy pikat e tjera. Operacioni i riatdhesimit nuk ka afat skadence. Të shtunën fillojnë riatdhesimet fillimisht nga Roma dhe pastaj tek të tjerat. Hoteli mesatarisht do të kushtojë 25 mijë lekë të vjetra. Përfshihet ushqimi dhe qëndrimi. Bileta kushton minimumin e mundshëm,”-tha Balluku.
Disa ditë më parë Rama tha se nuk mund të riatdhesohen shqiptarët e mbetur jashtë kufijve sepse përbëjnë rrezik infektimi për të tjerët.
Mirëpo, pas polemikave të krijuara duket se ka ndryshuar mendim dhe do i rikthejë të gjithë me kushtin që të karantinohen për 14 ditë në hotelet e përzgjedhura nga qeveria, por pagesën do e bëjnë ata.
