Në seancën e sotme plenare ai që ka ngritur një shqetësim real ka qenë vet kryetari i Parlamentit, Gramoz Ruçi.
Gjatë diskutimit për raportin vjetor të veprimtarisë së Këshillit Drejtues të Radio- Televizionit Shqiptar për vitin e kaluar, Ruçi ka ngritur tri shqetësime të rëndësishme.
Shqetësimi i parë shkon për qytetarët që paguajnë 12 mijë lekë dhe nuk kanë mundësi t’i ndjekin të gjitha kanalet, i dyti për kanalin që transmeton Kuvendin dhe i treti me përfshirjen e gjuhës së shqnjave në programacion, për të lehtësuar edhe përsonat me aftësi të kufizuara.
Mirëpo Ruçi në një moment i është drejtuar ashpër edhe deputetëve duke thënë se nuk janë duke folur për problemet që shqetësojnë qytetarët, por për paradat dhe sukseset e tyre, duke iu drejtuar këtu Musa Ulqinit.
“Duke ndjekur raportin. Do të ngre cështje. Ne jemi këtu përfaqësues të atyre që na kanë zgjedhur dhe po na kanë ndjekur pyesin cfarë po raportoni kur Televizioni publik shqiptar ka tetë kanale dhe unë nuk i ndjek dot ato dhe ju flisni për paradat dhe sukseset tuaja. Apo jo zoi Musa? (Musa Ulqini) Ke televizor të teknologjisë së fundit, unë flas për ata që nuk kanë televizorin tënd dhe timin, me 10 mijë lekë është i vetmi kanal që taksapaguesit shqiptar janë aksionerë në financat e TVSH-së dhe e paguajnë ata, 12 mijë lekëshin.
Prandaj duhet të përfshiheshin në të gjithë debatin. E dyta vërtitet një kanal tjetër, RTSH Kuvend, diskutojnë deputetët dhe nuk merakosen për veten kur do të transmetohet në mënyrë permanente. Një pjesë e zgjedhësve tanë janë me aftësi të kufizuara dhe kërkojnë kur TVSH do na mundësojë të ndjekim Kuvendin përmes gjuhës së shenjave. Prandaj raportimet dhe rezolutat nuk duhet të jenë formale por efektive, brenda shqetësimeve që kanë njerëzit që na kanë zgjedhur” deklaroi Ruci.
