Rastet e dhunës ndaj kafshëve në vendin tonë janë shtuar ndjeshëm, por ky është një problem që ka ekzituar edhe më parë në vendin tonë
Një problematikë tjetër vazhdon të mbetet edhe shitja apo gjuetia e kafshëve të egra, edhe pse disa prej tyre janë drejt zhdukjes.
Gazeta “Reforma.com” pak ditë më parë publikoi edhe denoncimin e Organizatës Ndërkombëtare për Mbrojtjen e Kafshëve “Four Paws International”.
Kjo organizatë denoncoi shitjet në internet të shpendëve dhe kafshëve të egra nga faqe të ndryshme.
Në disa foto të postuara nga organizata shihej ariu i murrmë “akita japoneze”, që kushtonte 500 euro.
https://www.facebook.com/fourpaws.org/posts/3047664181946591
Kjo organizatë nuk e ka lënë çështjen me kaq.
Nga hetimi i bërë është zbuluar se një restorant në Shqipëri po ofron për klientët mish nga arinjtë të cilët vriten në mënyrë të paligjshme.
Studiuesit thanë që ishte hera e parë që ata kishin parë mish ariu të gatuar në Evropë, dhe ekspertët paralajmëruan se mishi i papërpunuar i kafshëve mund të çojë në shpërthim të sëmundjeve zoonotike siç është koronavirusi.
Po ashtu ata janë shprehur të shqetësuar pasi kafshët si arinjtë, majmunët dhe zogjtë grabitqarë janë ndër kafshët e gjalla që janë specie në zhdukje e ndërkohë ata po shiten online e më pas theren për mish.
Studiuesit thanë se dy nga faqet kryesore në internet në Shqipëri reklamojnë shitjen e arinjve dhe specie të tjera që mbrohen me ligj, shkruan Indipendent.
Sipas tyre, ky është një biznes fitimprurës, pasi çmimi i një majmuni të vogël arrinte deri 750 € , dhe një buf hambari, një këlysh ariu dhe një ujk për 500 € secili.
Blerësit janë kryesisht pronarë restorantesh dhe hotelesh, të cilët i mbajnë kafshët për të tërhequr turistë, ose individë që duan kafshët.
Shqiponja që është simbol kombëtar i Shqipërisë, janë pak të njohura nga blerësit dhe shpesh gjenden të përgatitura dhe nxirren në pjatat e klientëve.
“Four Paws” tha se pasi ekipi që është marrë me këtë çështje raportoi disa nga reklamat e paligjshme, ato ishin fshirë por që janë shfaqur sërish në faqet e tyre.
“Një shumicë e madhe e fotografive shfaqnin një mizori ndaj kafshëve, si dhelpra të mbyllura në kuti plastike, këlyshë me zinxhirë dhe zogj që kishin këmbët e tyre të lidhura,” tha Barbara van Genne, një nga hetuesit.
Majmunët dhe zogjtë shpesh mbahen në bare dhe restorante në Shqipëri si një atraksion turistik, ndërsa dhelprat shiten për lëkurën e tyre.
Në artikull shkruhet po ashtu se në fshatin Drilon të Pogradecit është parë se mishit të ariut i është bërë reklamim në menunë e një restoranti.
Mishi mund të shkaktojë sëmundje të shkaktuar nga parazitët, me simptoma përfshirë diarre, ngërçe, ethe dhe halucinacione.
Prof. James Wood, drejtor i departamentit të mjekësisë veterinare dhe një ekspert i infeksionit në Universitetin e Kembrixhit, tha që Covid-19 dhe viruse të tjera zoonotike mund të barten nga mishi i kontaminuar nga çdo specie.
“Arinjtë kanë më shumë gjasa të jenë burimi një virusi zoonotik se çdo grup tjetër i specieve.
Gatimi i mirë është shumë i efektshëm për të shkatërruar virusin Covid-19 dhe infeksione të tjera, por që ngrënia e arinjve është, natyrisht, shumë e padëshirueshme për shumë arsye, duke përfshirë konservimin dhe mirëqenien e kafshëve, nëse ato janë mbajtur në robëri para duke u vrarë ”-tha ai.
