Ditën e sotme ka reaguar edhe kryeministri Edi Rama në lidhje me sulmin kibernetik të hakerave iranian ndaj sistemit TIMS në vendin tonë.Rama në një postim në rrjetin social Facebookka bërë të ditur se pavarësisht tentativës së hakerave për të dëmtuar dhe cënuar të dhënat e shqiptarëve nuk ka pasur rrjedhje serioze të të dhënave. Ndër të tjera Rama ka pohuar se që nga mëngjesi i së dielës sistemi TIMS punon në të gjitha pikat kufitare të vendit, Hani i Hotit, Rinas, Murriqan, Morinë, Kakavijë, Kapshticë dhe se gjendja është normalizuar në këto pika të kalimit kufitar. Kujtojmë se me prishjen e sistemit TIMS rregjistrimi i qytearëve që kalonin në pikat kufitare u bë manualisht dhe të dhënat do të futen tani që sistemi është rregulluar.
REAGIMI I RAMES
Sistemet e pikave kufitare janë në punë qysh prej mëngjesit të sotëm.Përtej ndjesisë së rëndë që krijon penetrimi në këto sisteme, njësoj si kur të hyjnë në shtëpi e të vjedhin,fakti është se agresioni nuk ia ka arritur asfare qëllimit, asnjë zhdukje a rrjedhje serioze të dhënash! Dhe përtej cinizmit e përqeshjeve tipike të klubit të madh të thashethemeve digjitale, ushqyer nga ulëritës profesionistë dhe kinse strategë marrëdhëniesh ndërkombëtare, Shqipëria teknikisht ka rezistuar më së miri, ndërsa politikisht ka bërë një investim tejet të dobishëm!
