Numri i personave të vrarë nga sulmi is ë enjtes në aeroportin e Kabulit është rritur në më shumë se 170. Shifrat i ka konfirmuar një zyrtar i Ministrisë së Shëndetit Publik të Afganistanit për CNN të premten, ndërsa shtoi se më shumë se 200 të tjerë kanë mbetur të plagosur.
Dje, Pentagoni konfirmoi se 13 pjesëtarë të shërbimit amerikan u vranë dhe 18 u plagosën në sulmin pranë aeroportit të Kabulit. Zyrtarë të Pentagonit kanë thënë se ka kërcënime të besueshme ndaj përpjekjeve të evakuimit në Afganistan, të cilat janë duke u monitoruar
“Ne ende besojmë se ka kërcënime të besueshme. Në fakt, unë do të thosha kërcënime specifike, të besueshme dhe ne duam të sigurohemi se jemi të përgatitur për ato”, tha sekretari i shtypit i Pentagonit, John Kirby të Premten, ndërsa diskutoi përpjekjet për të forcuar mbrojtjen e forcave, përfshirë zgjerimin e perimetrit rreth aeroportit të Kabulit dhe mbylljen e rrugëve, në ditët e fundit para se ushtria amerikane të përfundojë tërheqjen e saj më 31 gusht.
“Ne kemi informacion shtesë. Ajo që ju po shihni që ne veprojmë, në atë shkallë për të cilën mund të flasim, bazohet në informacionin që kemi”, u tha Kirby gazetarëve në një konferencë të Pentagonit.
