Bilanci i tërmetit shkatërrues me magnitudë 7.7 që goditi Mianmarin dhe Tajlandën të premten po rëndohet me shpejtësi.
Autoritetet raportojnë mbi 1,600 viktima, 3,408 të plagosur dhe 139 persona të zhdukur.
Sipas Shërbimit Gjeologjik të SHBA (USGS), numri i viktimave mund të arrijë deri në 10,000, pasi ekipet e shpëtimit vazhdojnë kërkimet mes rrënojave.
Dy tërmetet e fuqishme të së premtes (7.7 dhe 6.4) u pasuan nga lëkundje të tjera. Mëngjesin e sotëm, një tjetër tërmet me magnitudë 5.1 goditi pranë Naypyidaw, kryeqytetit të Mianmarit.
Në Bangkok, kryeqytetin e Tajlandës, numri i viktimave ka arritur në 17, ndërsa 32 persona janë plagosur dhe 83 rezultojnë të zhdukur, shumica prej tyre nga shembja e një ndërtese 30-katëshe.
