Italia prezanton vaksinën e saj kundër koronavirusit, ReiThera. Corriere Della Sera raporton se pas testimit të 45 personave, sot u publikuan të dhënat nga faza e parë e provave.
Sipas prezantimit të parë, kjo vaksinë është 92.5% efektive.
Rezultatet e para të Fazës 1 të vaksinës Italiane (GRAd-CoV2) kundër koronavirusit të prodhuar nga ReiThera janë inkurajuese. Pas 28 ditësh vaksinimi, mbi 94% e subjekteve në grupmoshën 18-55 vjeç u vaksinuan me një dozë të vetme dhe më shumë se 90% zhvilluan antitrupa me fuqi neutralizuese kundër virusit. Gjithashtu nuk pati reagime anësore.
Në fazën e parë të provës, 100 njerëz u regjistruan: duke u vaksinuar me doza të ndryshme dhe të gjitha rezultatet kontribuan në fund për vlerësimin e sigurisë. Vaksina nuk kishte ndonjë ngjarje të rëndë anësore në 28 ditët e para pas vaksinimeve përveç një inflamacioni të vogël në vendin e injektimit, dhe në disa raste lodhje, dhimbje koke, në disa raste jep ethe.
Përgjigja imune
Antitrupat neutralizues u gjetën në 42 nga 44 vullnetarë që e morën vaksinën (vullnetarëve të tjerë iu dha placebo) dhe dy personat që nuk zhvilluan antitrupa neutralizues morën një dozë të ulët. Dy gjëra të rëndësishme: vaksina është në një dozë të vetme dhe mbetet e qëndrueshme në një temperaturë prej 2-8 gradë. “92.5% e të vaksinuarve kanë zhvilluar antitrupa të zbulueshëm. Duke krahasuar të dhënat nga ky studim me Moderna dhe Pfizer ne jemi në linjë dhe presim aftësinë e vaksinës për të parandaluar sëmundjen në mënyrë të konsiderueshme si vaksinat e tjera. Ne do të paraqesim protokollin tek agjencitë rregullatore në një kohë të shkurtër dhe qëllimi është të mbyllim fazën 3 deri në verë”, tha Giuseppe Ippolito, drejtori shkencor i Institutit të Shëndetit Publik “Spallanzani”.
/Gazetareforma.com/
